| दोहा | Doha |
| श्रीगुरु चरन सरोज रज, निजमन मुकुरु सुधारि। | Shri Guru Charan Saroj Raj, Nij Man Mukuru Sudhari। |
| बरनउं रघुबर बिमल जसु, जो दायक फल चारि।। | Barnau Raghuvar Bimal Jasu, Jo Dayaku Phal Chari।। |
| बुद्धिहीन तनु जानिके, सुमिरौं पवन-कुमार। | Buddhiheen Tanu Janike, Sumiro Pavan-Kumar। |
| बल बुधि बिद्या देहु मोहिं, हरहु कलेस बिकार।। | Bal Buddhi Vidya Dehu Mohi, Harahu Kalesh Vikar।। |
| चौपाई | Chaupai |
| जय हनुमान ज्ञान गुन सागर। | Jai Hanuman Gyan Gun Sagar। |
| जय कपीस तिहुं लोक उजागर।। | Jai Kapis Tihun Lok Ujagar।। |
| राम दूत अतुलित बल धामा। | Ram Doot Atulit Bal Dhama। |
| अंजनि-पुत्र पवनसुत नामा।। | Anjani-Putra Pavan Sut Nama।। |
| महाबीर बिक्रम बजरंगी। | Mahabir Bikram Bajrangi। |
| कुमति निवार सुमति के संगी।। | Kumati Nivar Sumati Ke Sangi।। |
| कंचन बरन बिराज सुबेसा। | Kanchan Baran Biraj Subesa। |
| कानन कुण्डल कुँचित केसा।। | Kaanan Kundal Kunchit Kesa।। |
| हाथ बज्र औ ध्वजा बिराजे। | Haath Bajra Aur Dhwaja Biraje। |
| कांधे मूंज जनेउ साजे।। | Kandhe Moonj Janeu Saje।। |
| शंकर सुवन केसरी नंदन। | Shankar Suvan Kesari Nandan। |
| तेज प्रताप महा जग वंदन।। | Tej Pratap Maha Jag Vandan।। |
| बिद्यावान गुनी अति चातुर। | Vidyavan Guni Ati Chatur। |
| राम काज करिबे को आतुर।। | Ram Kaj Karibe Ko Atur।। |
| प्रभु चरित्र सुनिबे को रसिया। | Prabhu Charitra Sunibe Ko Rasiya। |
| राम लखन सीता मन बसिया।। | Ram Lakhan Sita Man Basiya।। |
| सूक्ष्म रूप धरि सियहिं दिखावा। | Sukshma Roop Dhari Siyahi Dikhawa। |
| बिकट रूप धरि लंक जरावा।। | Bikat Roop Dhari Lank Jarawa।। |
| भीम रूप धरि असुर संहारे। | Bhim Roop Dhari Asur Sanhare। |
| रामचन्द्र के काज संवारे।। | Ramchandra Ke Kaj Sanware।। |
| लाय सजीवन लखन जियाये। | Lay Sajivan Lakhan Jiyaye। |
| श्री रघुबीर हरषि उर लाये।। | Shri Raghubir Harashi Ur Laye।। |
| रघुपति कीन्ही बहुत बड़ाई। | Raghupati Keenhi Bahut Badai। |
| तुम मम प्रिय भरतहि सम भाई।। | Tum Mam Priya Bharat-Hi Sam Bhai।। |
| सहस बदन तुम्हरो जस गावैं। | Sahas Badan Tumharo Jas Gaavein। |
| अस कहि श्रीपति कण्ठ लगावैं।। | As Kahi Shripati Kanth Lagavein।। |
| सनकादिक ब्रह्मादि मुनीसा। | Sanakadik Brahmadi Munisa। |
| नारद सारद सहित अहीसा।। | Narad Sarad Sahit Ahisa।। |
| जम कुबेर दिगपाल जहां ते। | Jam Kuber Digpal Jahan Te। |
| कबि कोबिद कहि सके कहां ते।। | Kabi Kovid Kahi Sake Kahan Te।। |
| तुम उपकार सुग्रीवहिं कीन्हा। | Tum Upkar Sugrivahi Keenha। |
| राम मिलाय राज पद दीन्हा।। | Ram Milaye Raj Pad Deenha।। |
| तुम्हरो मंत्र बिभीषन माना। | Tumharo Mantra Vibhishan Mana। |
| लंकेश्वर भए सब जग जाना।। | Lankeshwar Bhaye Sab Jag Jana।। |
| जुग सहस्र जोजन पर भानु। | Jug Sahastra Jojan Par Bhanu। |
| लील्यो ताहि मधुर फल जानू।। | Leelyo Tahi Madhur Phal Janu।। |
| प्रभु मुद्रिका मेलि मुख माहीं। | Prabhu Mudrika Meli Mukh Mahi। |
| जलधि लांघि गये अचरज नाहीं।। | Jaladhi Langhi Gaye Acharaj Nahi।। |
| दुर्गम काज जगत के जेते। | Durgam Kaj Jagat Ke Jete। |
| सुगम अनुग्रह तुम्हरे तेते।। | Sugam Anugrah Tumhare Tete।। |
| राम दुआरे तुम रखवारे। | Ram Dware Tum Rakhware। |
| होत न आज्ञा बिनु पैसारे।। | Hot Na Aagya Bin Paisare।। |
| सब सुख लहै तुम्हारी सरना। | Sab Sukh Lahai Tumhari Sarna। |
| तुम रच्छक काहू को डर ना।। | Tum Rakshak Kahu Ko Dar Na।। |
| आपन तेज सम्हारो आपै। | Aapan Tej Samharo Aapai। |
| तीनों लोक हांक तें कांपै।। | Teenon Lok Hank Te Kanpei।। |
| भूत पिसाच निकट नहिं आवै। | Bhoot Pishach Nikat Nahi Ave। |
| महाबीर जब नाम सुनावै।। | Mahabir Jab Naam Sunave।। |
| नासै रोग हरे सब पीरा। | Nasai Rog Hare Sab Pira। |
| जपत निरन्तर हनुमत बीरा।। | Japat Niranter Hanumat Bira।। |
| संकट तें हनुमान छुड़ावै। | Sankat Te Hanuman Chhudave। |
| मन क्रम बचन ध्यान जो लावै।। | Man Kram Bachan Dhyan Jo Lave।। |
| सब पर राम तपस्वी राजा। | Sab Par Ram Tapasvi Raja। |
| तिन के काज सकल तुम साजा।। | Tin Ke Kaj Sakal Tum Saja।। |
| और मनोरथ जो कोई लावै। | Aur Manorath Jo Koi Lave। |
| सोई अमित जीवन फल पावै।। | Soi Amit Jivan Phal Pave।। |
| चारों जुग परताप तुम्हारा। | Charon Jug Partap Tumhara। |
| है परसिद्ध जगत उजियारा।। | Hai Parsiddh Jagat Ujiyara।। |
| साधु संत के तुम रखवारे। | Sadhu Sant Ke Tum Rakhware। |
| असुर निकन्दन राम दुलारे।। | Asur Nikandan Ram Dulare।। |
| अष्टसिद्धि नौ निधि के दाता। | Ashta Siddhi Nau Nidhi Ke Data। |
| अस बर दीन जानकी माता।। | As Bar Deen Janaki Mata।। |
| राम रसायन तुम्हरे पासा। | Ram Rasayan Tumhare Pasa। |
| सदा रहो रघुपति के दासा।। | Sada Raho Raghupati Ke Dasa।। |
| तुह्मरे भजन राम को पावै। | Tumhare Bhajan Ram Ko Pave। |
| जनम जनम के दुख बिसरावै।। | Janam Janam Ke Dukh Bisrave।। |
| अंत काल रघुबर पुर जाई। | Ant Kaal Raghubar Pur Jai। |
| जहां जन्म हरिभक्त कहाई।। | Jahan Janam Hari Bhakt Kahai।। |
| और देवता चित्त न धरई। | Aur Devta Chitt Na Dharai। |
| हनुमत सेइ सर्ब सुख करई।। | Hanumat Sei Sab Sukh Karai।। |
| सङ्कट कटै मिटै सब पीरा। | Sankat Kate Mite Sab Pira। |
| जो सुमिरै हनुमत बलबीरा।। | Jo Sumire Hanumat Balbira।। |
| जय जय जय हनुमान गोसाईं। | Jai Jai Jai Hanuman Gosai। |
| कृपा करहु गुरुदेव की नाईं।। | Kripa Karahu Gurudev Ki Nai।। |
| जो सत बार पाठ कर कोई। | Jo Sat Bar Path Kar Koi। |
| छूटहि बन्दि महा सुख होई।। | Chhutahi Bandi Maha Sukh Hoi।। |
| जो यह पढ़ै हनुमान चालीसा। | Jo Yah Padhe Hanuman Chalisa। |
| होय सिद्धि साखी गौरीसा।। | Hoy Siddhi Sakhi Gaurisa।। |
| तुलसीदास सदा हरि चेरा। | Tulsidas Sada Hari Chera। |
| कीजै नाथ हृदय महं डेरा।। | Kijai Nath Hriday Mah Dera।। |
| दोहा | Doha |
| पवनतनय संकट हरन, मंगल मूरति रूप। | Pavan Tanay Sankat Haran, Mangal Murti Roop। |
| राम लखन सीता सहित, हृदय बसहु सुर भूप।। | Ram Lakhan Sita Sahit, Hriday Basahu Sur Bhup।। |
